للعـزاب فقط .. ممنوع دخول المتزوجين ..

**مجهوله** الخميس أكتوبر 01, 2009 5:25 pm

في البدايه حياكم الله

المهم < ادخل في الموضوع

ابي اقدم نصائح لكم احبتي العزوبيه
( لأن الحال من بعضوو )
المهم
عسى الله يكثركم ويزوجكم في اسرع وقت وعلى راسكم انا
هههههههههه قولوا آمين
يلا فتحوا عيونكم معي وركزوا
يلا جآهزين ؟
جآهزين ؟ والا تفصيل ههههههههههههههههههههآي
انا
خلال هاليومين اللي زلت يعني اللي راحت قعدت اجمع حروف لين كونت سؤال الا وهو ...
سؤال لكل عزوبي .. يتسدح بالملحق ؟ او في بيت الشعر او المقلط ؟ < اختر الاجابه الصحيحه هههههه
7
هل تنام على بطنك ؟ او تخم المخدهـ بالليل ؟ او تعفس الكنب وتعضه وتسعبل عليه وانت نايم ..
او تنام في الشوارع كأنك بس ؟ .. او تنام على الكنب وانت تقرأ الجريده ؟ ، او تنام ويطلع سرك ؟ ستر الله سرك.
إذا كانت الاجابة بنعم فإن كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
" الله لا يبارك في الساعة اللي جبنا فيها شغاله ".
هههههههههههههههههههههههههههههههههههههههههههههه
المهم
.
لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .
حلو ؟
طيب ركز معي ..
اولاً : مرحلة ما قبل الزواج :كيف تعرف انك استويت عزيزي الشاب وحان قطافك من بنت الحلال :
أ: علامات الرغبة في الزواج عند الشاب :
1 - إذا بديت تحب الاغاني وتسمعها وانت مركز مع الكلمات وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>>> التقسيط متاح بدون كفيل عندي ههههههه تسوي دعايه
..
كذلك إذا صرت تتابع فيديو كليب وتفتح فمك ولو يناديك ابوك ما ترد عليه.

2– إذا بديت تقول يا زين بيروت والـ إل بي سي والمستقبل ؟ فاعلم اخي انك لو انتظرت سنتين ستصدّي صواميل ظهرك وتصير بلا مستقبل.
3– إذا بديت تمشى بالسوق وتتمنى ان البنت اللي قدامك يطيح الكيس اللي هي شايلته علشان تصدم فيها وتقول ( اتركيه عنك يآعسل انا ارفعه .. و الحمد لله انك منتي في وسط الكيس ) فاعرف انك على مشارف انك تكون
( شبهه) وشهار ما يقبلك ولا منتسب .
7 – إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخق ) لذلك تغانم عمرك واعرس.
ثانيا : اثناء الخطبة :
1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.
لان اهل البنت يبي يسألون شيبان المسجد ويقولون تعرفون فلان .. لذلك صل وابدى
( طلطل ) بوجيه المصلين كأنك تدور اخوانك .<<<< ما احب هالحركه.
2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم لأن الخطيبة مصيرها تعرف ان السياره مو سيارتك وبالتالي تطيح من عينها ..
3 - اثناء الشوفه لا تستحي ابدا وقز البنت ولا يهمك احد بصير معكم ياشباب بهالنقطه لأن الشرع ( يدعمكم ) وان قالوا شيء .. قل لهم حديث الرسول صلى الله عليه وسلم " فلينظر اليها وتنظر اليه فأنه احرى ان يؤدم بينهما " يعني بالعربي مسنود بقوة بالشرع.
4- في الخطبة ان صار فيه مكالمات بعد ما يوافقون عليك .. فلا تصير لزقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟ وش تسوين ؟ انتي على السرير وإلا في الحوش هههههه ؟ << يخرب بيت السؤال ؟
5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله .. لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( عصير تكرونيه عند الحرم )..
كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( الثقبه ) بــ 20 ريال ، ومن ايكيا بــ 150 ريال .. فيصير بيتك كأنه
( خرز عبده على قولتهم ) من كل بحر قطره. والا تصير مثل اللي بيتهم طين وعندهم ( بنتلي ).
6 – اياني وياك تظهر بشكل مثالي في الخطبة .. خلك على طبيعتك ، بحيث تقول للبنت هذا اناااا .. مو تصير حبيّب بالخطبة وصدام بعد الملكة.
ثالثا : ليلة الزواج : ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي
ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام ( كرمتوا ) .. صدقني راح تقول البنت إللي هذا اوله ينعاف تاليه
.. فلنفرض انك قمت من الكوشه !!!!
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟
بالعربي .. انت بتبلش بلشة ما بعدها بلشة
أما إذا رجعت بيقولون الحريم ( جاه اسهال من الخوف من الحرمه ) اجل إذا راحوا بلحالهم وش بيسوي هالخواف.؟ هههههههه
فتصير علك في فم الرايح والجاي وملطشه للصغير والكبير. وياويلك لو صرت علك في فمنا يالحريم بتصير حديث المدينة
2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت.
3 - خلك ذوق واسحب يد البنت وحطها على ( القير حق السياره ) وحط يدك فوقها ولا تكثر تفغيص يدها لانك يمكن بتتهور وممكن يصير لك شيء وإلا يجيك
( شد عضلي ) بعدين تصدم باشاره >>> لاحقين خير ان شاء الله .. ..4 -
إذا جيتوا تدخلون البيت .. افتح الباب وخلها تدخل قبلك وامزح معها شوي
( خشي برجلك اليمين ) وبعد ما تدخلون (اصقع ) ذيك الزغروته اللي تهز اركان البيت ...
رابعا ً : سواليف ليلة العرس :
الكثير من الشباب خبل ويطرح اي موضوع في ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :
–1 انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( زلابه).
2 – انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري .. الله ياخذ ابليسك انت وامك عصبت شوي معلييش .. ما عليه رجعت طبيعي .. نكمل ..
مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.
3 – امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه | .. واااه الله يعينا بس يالبنااات ..
حتى لو كنت ( دلخ ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) .. فهذا من شأنه انه يحسس البنت انها جميله بعينك ، ويرفع روحها المعنوية ، ويخليها تهضمك
4 – انبته ثم انتبه انك تصير عاطفي او تخق ومن اول ليلة تقول للبنت
( بصراحه انا احبك وميت فيك ) .. لانها مؤكد انها مو مصدقتك
( ما امدى بسم الله تحبها ).
بصراحه كثير من الشباب محروم من ( كل شيء ) <<< وافهموها .. عاطفيا و... و . واول ما يلمس يد تختلف عن يد صديقك ( الضب ) .. يخق وبسرعه يسعبل ويقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .
5- خلك ثقيل وخلي سلوكك هو اللي يقول للبنت اني احبك مو اساليب ( قردنـه ) احبك بعدين تقول لها ( وش رايك نلعب عريس وعروسه )؟ ترى هالحركات ما تمشي على البنات التاليات . ( بنآت بآسكن روبنز وستآر بوكس ههههههه الله يرحم ايام بنات عصير الربيع وعصير ابو 3 فواكه )
معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لزاوية ) الغرفه.
خامسا : ملابس ليلة العرس
1 - بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الشعر اللي بصدرك وفرحان بها.
تنظفوا ( تعبت ) اعلمكم ... هههههههه < وش عندهـا اللي راضعه مع دآرين حدشيتي ؟ خخخخخـ
المهم ..

بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( ازيكم يا رقآله ؟ )..
2 - انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( حمار وحشي ) بس يتكلم عربي.
اختر اللبس المناسب لجسمك ..
مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت البنت ..
وفاجأها في الصباحية .
وإذا كنت سمين البس ملابس فضفاضة شورت وفانيلة x x l .
3 – للعلم والإحاطة فإن قمصان النوم النسائية ( مشقـقه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وتطوروا .. يووووهـ عجزت اعلّم فيكم .
المهم
إذا لبست لك البنت ( قميص نوم راااايق ) ترى مو معناهاااا
( طب عليّ ) هههه.. خلك ثقيل وإلا من الحين أربط ثقالات برجليك.
ترى سمعت بقصه ان واحد طلق الزوجه ليلة الزواج بعد ما شافها لبست له ( لبس خالع ).. قال ابو الشباب : بسس اكيد انها داشره ؟ وحركاتها ما ني متطمن لها << تكفى يا امام مسجد حارتهم هههههه. <<<<< احتمت ( كبدي ) يوم سمع القصة من القهر .
سادساً : الخطة المحبوكه للقاء الحميمي :
1 - حذاري ثم حذاري وهذاني اقول لك ( حذاري ) .. تتحرش بالبنت ***حتى لو كانت زوجتك .. فكما يقال
( احذر ان تبدأ حياتك الزوجيه بحادث اغتصاب ).
لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .
2 - اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( لاحق خير ) << سوري يبدو اني تحمست واجد ههههههه.
3 - اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتشنز وتقعد تناظر يمين ويسار .. فيه فتحه صغيره مع هالجهه او مع هذيك الجهه ( كأنك اول مرهـ تقابل خويتك في ستار بوكس مثلا ) .. وتسدد فيها وتصير كأنك مهندس ( عشة حمام ).
اركد وخلك طبيعي وإلا قالت البنت وش ( هالدلخ؟ ).
4 - في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كله.
5 – اليوم الثالث :
حاول تسافر بها عمره بعدين ودها مدينة جده (( لسكان المملكة العربية السعودية )) .. او مدينة اخرى لسكان الخليج .. او ( لقريح او بقعاء لباقي الدول ). ههههههههههههه
6 - اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك .
واللي ما يجي اليوم .. يجي بكرا .

اوك ياشباب ؟ طيب الله يعطيكم العافيه هذي سوالف ونصايح وهذاري اختكم كيانـ انسانهوحطوا كلامي بين قوسين ثمن حط الكلام بالاقواس اللي عليه بين عيونكم
عسآني مآ خلا منكم

وسوري اذاكنت طولت عليكم اوا ازعجتكم بسواليفي ولا كنت صريحه شوي ماعليه مع الوقت بتتعودون علي ..